葡萄牙 EDP 洗頭番梘 Solid Shampoo

葡萄牙 Essências de Portugal （EDP） 嘅洗頭梘，絕對係人見人愛！ 佢採用植物嘅天然成分，不含硫酸鹽同埋有機矽；葡萄牙廠家特別關注頭髮嘅 pH 值（酸鹼值），所以製作左呢塊適合中性以至油性嘅髮質嘅洗頭梘，洗完可以令頭髮輕盈、柔軟、有光澤。

用呢塊洗頭梘仲有一個優點，就係可以完全唔用護髮素，洗完頭髮都好順！我本身有做 highlight，用呢塊洗頭梘，我覺得頭髮啲色無甩得咁快，唔使成日去 tone顏色。（仲有一件事，就係大部分洗頭水其實都會有殘留物係啲髮絲度，所以好多時候洗頭水用得耐，啲髮絲會變得無光澤，就係因為殘留物太多。）

EDP 嘅洗頭梘係純素嘅 ， 體積細細，本身帶有一個番梘盒，方便拎出街（去 gym 去 trip 都得）。因為洗頭梘密度高，佢嘅使用壽命比傳統洗髮水高達 3 倍（一塊一個人用，每日洗頭，都可以用兩個幾月）。而且佢唔會溶，用嘅時候乾淨企理，真係好正！

女士自己用當然OK，但呢塊洗頭梘都好適合男士使用，特別係頭油頭皮比較旺盛嘅男士，呢塊洗頭番梘，可以幫佢哋搞返掂個問題！而且男士們好多時候都唔用護髮素，用呢個洗頭梘就最簡單又最健康喇！（105克）